All posts filed under: In depth

Huurder word mega boer

Die blywende indruk van ’n plaasgemeenskap op die gemoed van ’n 12-jarige seun het ’n man dekades later na Underberg laat terugkeer om sy kinderdroom te verwesenlik. Chris Dwen is een van die omgewing se grootste produsente van mielies, saadaartappels en beeste. Hy het eers op gehuurde grond in die vallei begin boer en homself stadig maar seker opgewerk tot hy sy eie plaas kon koop.

Rietvlei se rare rasse

Op Rietvlei leer jy een unieke diersoort ná die ander beter ken, want Christo Botha is nie meer lus om met die gewone goed te boer nie. Alles op Rietvlei is raar. Christo meen dit is ook omdat hy vinnig verveeld raak en van ‘n uitdaging hou. Hy het begin deur te kyk na die aanvraag sowel as die bestaande kompetisie in die omgewing. 

Juweel van ’n vrug

’n Granaat het soveel stories as wat hy pitte het. Dit dra die simboliek van eksotiese, antieke beskawings en die versluierde suggestie dat hiérdie die oorspronklike verbode vrug was. Sensueel beslis, maar ook met ’n dikvellige onwilligheid om te vrek. Dink nou maar aan die verlate Karoo-opstalle met een ou granaatboom wat verbete aanhou blom. Maar om boorde vol granaatbome deur een van die ergste droogtes ooit te kry, is ’n heel ander storie.