All posts tagged: Fynbosheuning

Kyk weer mooi na die bytjies en die blommetjies

“Einstein het gesê die dag as bye uitsterf, het die mens beswaarlik vier jaar op die aarde oor.” Helena van der Westhuizen leun vorentoe in haar stoel wanneer sy hierdie verdoemende nuus meedeel. Pierre van der Westhuizen garneer dié toekomsdis met brandnetels. “En dan sit jy met net graan op jou bord.” Oukei. Pap en wors (sousloos). Skaaptjops en braaibroodjies (laasgenoemde sonder tamatie en uie). Steak en tjips? Geen aartappels nie. G&T sonder ʼn skyfie suurlemoen. Nee! Geen jenewer, aangesien jy jenewerbessies benodig. Dit wat eens water was?