Twee toegewyde jong boere is onlangs bekroon vir hul betrokkenheid en leierskap in Suid-Afrikaanse landbou. Die kompetisies, aangebied deur onderskeidelik AgriCulture Mpumalanga en Agri Wes-Kaap, dien as belangrike platforms om toekomstige landbouleiers te identifiseer en aan te moedig. Deur debat en netwerkgeleenthede binne georganiseerde landbou te bevorder, speel dit ’n sleutelrol in die deel van kennis.
Die toekoms van Suid-Afrikaanse landbou rus in die hande van ’n nuwe geslag jong, ambisieuse boere – mense met wortels in plaasgrond, maar oë op innovasie. Tog is dit duidelik dat hulle nie sonder hulp die pad vorentoe kan aanpak nie. Volgens AgriSA is die gemiddelde ouderdom van boere in Suid-Afrika sowat 57 jaar, en die jonger geslag het nie genoeg verteenwoordiging nie. Meer as 65% van kommersiële plaasbestuurders is tussen 45 en 65 jaar oud.
Senwes en Senwes Equipment het op 19 Junie 2025 letterlik en figuurlik nuwe spore in Suid-Afrikaanse landbou gelos toe die indrukwekkende John Deere 9RX830 op die plaas Soetlaagte buite Bothaville aan boere van Sentraal-Suid-Afrika bekendgestel is.
Suid-Afrika se landbousektor is nie op die rand van ineenstorting nie – inteendeel, dit is besig om te groei. Só sê Wandile Sihlobo, hoofekonoom van die Landbousakekamer (Agbiz), in ’n onlangse onderhoud met Biznews.
Agri Wes-Kaap het op ‘n feestelike aand op 11 Junie 2025 by Ashanti Estate in Paarl met trots aangekondig dat Francois Rossouw van Mooigezicht Estates in die Hexriviervallei aangewys is as die Agri Wes-Kaap Santam Jongboer van die Jaar 2025.
