Weggesteek in die Hemel-en-Aardevallei, bykans ongesiens, maar beslis nie vergete nie, lê die plaas Oldlands Stud waar wêreldklasrenperde al die afgelope paar dekades geteel word. Aan die spits van bedrywighede is die enigmatiese Barbara Sanne (86) steeds vandag met ’n stewig houvas oor alles wat hier gebeur.
Ná jare in ander beroepe, het The Olive Boutique se eienaars geluk, tevredenheid en gemeenskaplikheid in die Riebeekvallei gevind.
Jannie en Katrin was aanvanklik beide geoloë werksaam in Namibië. Vaste joppe met dienooreenkomstige salarisse wat hulle verruil vir die wisselvallige bestaan van boerdery. Om seker te maak hulle word nie verveeld nie, gooi hulle die organiese spanner in die werke.
Nadat haar gesondheid so te sê ineengestort het, het Mira Weiner gedurende die inperking genesing in die kweek van groente gesmaak. Sy deel haar plantgebaseerde visie met ons.
Saldanha Bay Oyster Company is ʼn baanbreker in die mariene bedryf. Aan die Weskus van Suid-Afrika word oesters op ʼn omgewingsvriendelike manier vir die wêreldmark gekweek, vars uit die see!
Hierdie is nie net ʼn resepteboek nie, maar eerder ʼn moderne ensiklopedie. Dis ʼn geure-biblioteek vir sowel leke as ervare kokke. Dis die snoet-tot-stert gids wat almal in hul kombuis nodig het en nog vir jare gaan gebruik.
Pieter Bredell, eienaar en wynmaker van Rustenhof, boer in Firgrove, Helderberg. Die Britse wynmeester, Tim Atkin, het Pieter onlangs as een van die beste onbekende druiweboere in Suid-Afrika beskryf. Hieroor is Pieter baie beskeie
Jotta is ‘n boorling van die Koo en het groot geword op ‘n plaas, net sowat 2 km van Laasterivier af, waar sy ouers plaaswerkers was en nog steeds woon.
Met op- en afdraande en verskeie stampe en stote het Boet le Roux sy pad oopgetrap – tussen tabak, koi-visse, waterblommetjies en merino’s deur.
Op die ou end het hy besluit dat kanola, koring en amandels die beste resultate lewer. Ons kry die storie agter Vlakkenheuwel se storie.
