Plaaslike en internasionale rolspelers in die bloubessiebedryf het op 24 September 2025 by Fall Creek® se kwekery in die Paarl saamgekom vir ’n insiggewende forum oor Suider-Afrika se beleggingsgeleenthede en potensiaal vir volhoubare groei.
Lamb Champs 2025 het 24 September geskiedenis gemaak by Hoër Landbouskool Boland in Paarl met twee hoogtepunte: ’n nuwe wêreldrekordprys vir ’n lamkarkas én die aanwysing van die wenners van die Boland-kompetisie.
Uitsonderlike prestasie in graanproduksie is weereens gevier tydens die jaarlikse Groei vir Goud-toekenningsfunksie in Johannesburg op 25 September 2025, waar Suid-Afrika se top produsente vereer is vir hul uitmuntende opbrengste, innovasie en bydrae tot nasionale voedselsekuriteit. Hierdie jaar se toekennings was histories, met ’n oplewing van nuwe nasionale rekords in mielie-, koring- en sojaboonkategorieë – wat die aanpasbaarheid en kundigheid van Suid-Afrikaanse produsente bevestig, selfs in ’n seisoen gekenmerk deur klimaatsuitdagings.
Die sesde NAMPO Kaap-ekspo het op ’n hoogtepunt afgesluit en ’n rekordgetal van 49 326 besoekers van 10 tot 13 September by Bredasdorp Park gelok. Die geleentheid het homself gevestig as ’n toonaangewende platform vir landbou in die Wes-Kaap en het produsente, landboubesighede, beleidmakers en die breër gemeenskap bymekaar gebring in ’n atmosfeer wat sowel innovasie as tradisie gevier het.
Suid-Afrika is tans goed gevestig as wêreldleier in makadamia-produksie: ongeveer 27% van alle makadamianeute wêreldwyd word hier geproduseer. Die bedryf strek oor duisende hektaar en ondersteun duisende werksgeleenthede – van boorde tot verwerkingsaanlegte en logistiek.
Die span glo die effek hou verband met Rooibos se bioaktiewe fenoliese verbindings, wat die voer smaakliker kan maak, dermgesondheid bevorder en voedingstofabsorpsie verbeter. Die studie het ook bewyse gevind van DNS-beskerming in die visse, wat dui op ’n algehele gesondheidsvoordeel.
Die plaas De Panne, vernoem na die 11 waterpanne wat tydens die wintermaande oor ’n 40 hektaar-area vorm, is ’n hoeksteen van Angus-boerdery in die Wes-Kaap. Jannie Kotze se oupa, Jan, het die plaas in 1976 gekoop en as saaiboer begin. Jannie se ouers, Paul en Louise Kotze, het De Panne Angus in 1986 gestig, wat nou die oudste bestaande swart Angus-kudde in die Wes-Kaap is. Vandag bestuur Jannie en sy vrou, Annie, die plaas in Moorreesburg, waar hulle fokus op hoëgehalte geregistreerde en kommersiële Angus-vee, met die klem op voortreflike vleisproduksie, temperament en vrugbaarheid.
Die Swartlandse dorp Moorreesburg het van 3 tot 6 September behoorlik uit sy nate gebars met die 91ste Swartlandskou – ’n tentoontoonstelling van die voorste tegnologie, diere en implemente wat die landboubedryf het om te bied.
The town of De Rust (Dutch for The Rest) may once have been a place of rest for ox wagon trekkers before they tackled the challenging nearby Swartberg gorge – the Swartberg Pass was only completed in 1888 long after the first of these intrepid souls crossed over from the Little Karoo into Central Karoo in search of albeit less greener pastures, but wide open spaces.
Die 2025 SA Olive Awards is vanjaar op die pragtige Diemersfontein Wine and Country Estate aangebied en het weereens die room van Suid-Afrika se ekstra suiwer olyfolie (EVOO) produsente beloon. Die kompetisie, wat as die hoogtepunt op die bedryf se kalender beskou word, het goue, silwer en brons medaljes toegeken aan van die land se beste olies.
