Tammy Claasen (38), wat nou die rooiwynspan by die bekende Durbanville Hills lei, was een van die heel eerste begunstigdes van die Cape Winemakers’ Guild Protégé-program. Die inisiatief, wat byna twee dekades gelede begin het, identifiseer jong wynmaakstudente met besondere talent en plaas hulle onder mentorskap van erkende wynmeesters om hul potensiaal te ontsluit.
Die Rooivleisprodusente-organisasie (RPO) het met entoesiasme gereageer op die minister se aankondiging dat die hele land teen bek-en-klouseer (BKK) ingeënt sal word. Hierdie stap word as ‘n historiese deurbraak beskou wat die rooivleisbedryf kan bevry van die ekonomiese verlamning wat die siekte veroorsaak.
Francois Rossouw van Mooigezicht Estates in die Hexriviervallei is pas aangewys as 2025 se Toyota SA/AgriSA Jongboer van die Jaar. Grond tot Mond het met Francois vroeer vanjaar gesels na hy as Agri Wes-Kaap se jongboer van die jaar aangewys is.
Diemersdal se nuutste erkenning as Wynkelder van die Jaar in die Platter’s South African Wine Guide 2026 is ’n besondere mylpaal vir ’n landgoed wat al meer as 300 jaar lank op dieselfde stuk grond boer en wyn maak. Die plaas, wat in 1698 as ’n landtoekenning deur Simon van der Stel ontstaan het, dra vandag nog die stil getuienis van eeue se geskiedenis: die statige Kaaps-Hollandse herehuis, die ou kloktoring en die historiese lanings wat reeds sedert die 18de eeu bewerk word.
Die jongste verklaring van die ENSO-verwysingsgroep, saamgestel deur ’n span vooraanstaande klimaat- en landbouwetenskaplikes, dui daarop dat suider-Afrika die komende 2025/26-seisoen waarskynlik die invloede van ’n nuwe La Niña-fase gaan ervaar. Vir boere in die somerreënvalstreke beteken dit dat die seisoen potensieel koeler en natter kan wees as die langtermyn gemiddeld
Suid-Afrika se rosynbedryf toon na ’n paar uitdagende seisoene duidelike tekens van herstel, met die 2024/25-oes wat na verwagting sowat 100 000 t sal bereik. Dit dui op hernude momentum vir een van die land se stil, maar suksesvolle uitvoerprodukte.
Hartswater – Op Vrydag 7 November het die Suid-Afrikaanse Pekanneutprodusentevereniging (SAPPA) weer produsente, adviseurs en bedryfsvennote bymekaar gebring vir hul jaarlikse Inligtingsdag by The Venue. Meer as 225 mense het opgedaag vir ’n dag wat praktiese raad, nuwe navorsing en eerlike gesprekke oor die toekoms van die bedryf saamgebring het.
Afrika het ’n geskiedkundige stap vorentoe vir volhoubare ontwikkeling, voedselsekerheid en omgewingsbeskerming geneem toe die Pan Afrika parlement op 6 November 2025 die vasteland se eerste modelwet oor volhoubare grondbestuur met ’n oorweldigende meerderheid aanvaar het. Die Modelwet oor volhoubare grondbestuur in Afrika bied aan lande ’n raamwerk om hulle grond te beskerm en veerkragtigheid teen klimaatsverandering te versterk. Dit is ’n groot mylpaal, veral omdat Afrika oor sowat 65 persent van die wêreld se oorblywende onbewerkte bewerkbare grond beskik.
Die 37ste uitgawe van die gesogte World Cheese Awards is van 13–15 November in Bern, Switserland, aangebied. Die kompetisie, wat deur die Guild of Fine Food in Brittanje georganiseer word, vier sedert 1988 uitmuntende kaasprodusente en handwerkvoedsel van regoor die wêreld.
Die Suid-Afrikaanse landbou staan voor ’n ernstige uitdaging: die reguleringsraamwerk wat boere se toegang tot noodsaaklike insette moet beskerm, raak vinnig onfunksioneel. Volgens Saai bedreig hierdie verval nie net boerderye nie, maar ook die land se voedselsekerheid.
