Goeie nuus vir OBARO se aanlyn-kliënte. Vanaf  1 Augustus 2024 gaan dit soveel makliker wees om die aanlynplatform te gebruik om inkopies te doen. OBARO Online is OBARO se winkel, net op jou rekenaar.

“Hoewel die OBARO aanlynplatform reeds die lewe vir baie van ons kliënte makliker gemaak het die afgelope paar jaar, het ons dit nou nog meer gebruikersvriendelik gemaak met ’n moderne voorkoms. Wat dit wel anders maak, is die B2B-opsie waar besighede op die platform kan registreer en grootmaatbestellings kan plaas en ook in aanmerking kan kom vir vlakprysafslag (“Tier Pricing”) op sekere produkte,” verduidelik Michelle Kuyler, Groep Bemarkingskommunikasiebestuurder by OBARO.

“Met die moderne platform gaan dit vir ons kliënte nog makliker wees om vanuit sy/haar kantoor, stoep of werkswinkel met ons besigheid te doen.”

Volgens Kuyler hoop hulle om nuwe kopers en kliënte te lok met die nuwe opgeknapte platform. “Ons wil landbou toeganklik maak vir enige persoon, boer of nie. OBARO se doel is om landbouproduksie, of dit op grootskaal of kleinskaal in ’n groentetuin by die huis is, makliker te maak, want ons glo dat almal  ’n bietjie boer in hulle het.”

Alle nuwe kliënte wat vir die eerste keer aankope op OBARO Online doen, sal in aanmerking kom vir ’n 10% korting op hul totale mandjie-aankope vir die maand van Augustus. Verder is daar ook geselekteerde produkte met spesiale korting met verskeie ander promosies wat regdeur Augustus sal afskop.

Kliënte kan die produkte wat hulle aanlyn bestel het, by hul naaste tak gaan afhaal of kies dat die produkte via ’n koerierdiens by die adres van hulle keuse afgelaai word.  Net wat die maklikste is.

Daar is twee maniere om die aanlynwinkel te besoek: gaan na OBARO se webtuiste by:   www.obaro.co.za en klik op die SHOP-skakel wat sal  na die Aanlyn-winkel. Die aanlynwinkel se direkte adres is: www.shop.obaro.co.za