34 jaar gelede het die Joubert-broers en James Honiball begin met die bou van gronddamme om hulle trekkers in die af-seisoen te benut. Die Koppies-dam se kontrak is aan hulle toegeken en hulle moes ’n naam vir hulle besigheid registreer. Hulle registreer die naam, ALS, want het gemeen, hulle sal als doen om die besigheid te laat slaag. Só is die besigheid dan in 1990 as ALS geregistreer en vandag het die Groep sowat 1 100 mense permanent in hulle diens.