Author: Media Statement

TLU SA Jongboer van die Jaar | Laaste kans vir jongboere om in te skryf

Published by Media Statement

Inskrywings vir TLU SA se Jongboer van die Jaar 2026-kompetisie sluit op 19 Junie en jong produsente regoor Suid-Afrika word nou aangemoedig om van die laaste geleentheid gebruik te maak om deel te word van een van georganiseerde landbou se mees gesogte kompetisies. Die TLU SA Jongboer van die Jaar-kompetisie het oor die jare ’n belangrike platform geword waar jong boere erkenning ontvang vir uitnemende bestuursvernuf, deursettingsvermoë, innovasie en hul bydrae tot voedselsekerheid in Suid-Afrika. Die kompetisie fokus nie slegs op produksie nie, maar op die volledige pakket van moderne boerderybestuur en die vermoë om ’n boerdery volhoubaar en verantwoordelik te bestuur in ’n tyd van toenemende ekonomiese en politieke druk. Vanjaar se kompetisie bied weer indrukwekkende pryse aan deelnemers. Die wenner ontvang gebruik van ’n bakkie vir 12 maande tesame met ’n kontantprys, terwyl die tweede- en derdeplekwenners gebruik van ’n SUV vir drie maande sowel as kontantpryse ontvang. Daarbenewens ontvang finaliste eksklusiewe geskenkpakkette, terwyl ’n tegnologie-borgskap ter waarde van R124 000 ook deel vorm van die pryspakket. “Dit gaan oor visie, beplanning, dissipline, …

Die fyn kuns van die veiling

Published by Media Statement

Vir Vincent Pike is ’n goeie veiling nie net ’n vinnige tong en ’n sterk stem nie. In die lewendehawebedryf verg dit markkennis, diere-oordeel en die vermoë om binne sekondes die regte besluit te neem. Wanneer ’n lewendehaweveiling aan die gang is, lyk dit vir die oningewyde dalk soos ’n vinnige spel van nommers, handgebare en ritme. Maar vir Vincent Pike, vanjaar se SA Nasionale Veilingskampioen, is daar baie meer op die spel as net die volgende bod. As lewendehaweveilingsmeester by Vleissentraal Bethlehem werk hy daagliks in ’n omgewing waar pryse, dieregehalte, markvraag en menseverhoudings almal tegelyk gelees moet word. Dit is juis dié kombinasie van tegniese kennis en mense-instink wat hom vanjaar weer die hoogste eer in die South African Institute of Auctioneers (SAIA) se SA Nasionale Veilingskampioenskap besorg het. Die ring vra kennis en ritme Pike, wat reeds in 2024 as SAIA se Veilingsmeester van die Jaar aangewys is, het vanjaar weer teen topveilingsmeesters van regoor die land meegeding. Die kampioenskap is onlangs by die Wanderers Club in Johannesburg aangebied, waar deelnemers verskeie …

Grootste nóg SA Suiwelkampioenskappe lok bedryf se bestes

Published by Media Statement

Die 2026 SA Suiwelkampioenskappe trek hierdie week die suiwelbedryf se voorste rolspelers na Eensgezind buite Durbanville, en vanjaar is dit groter as ooit. Rekordgetalle vir inskrywings, produsente, beoordelaars en vennote getuig van ’n bedryf wat, ten spyte van uitdagings, steeds op gehalte ingestel bly. Met altesaam 1 227 produkte, 81 produsente, 130 beoordelaars en 20 vennote word nuwe rekords oor die hele linie opgestel. Dit bevestig weer die omvang van die kampioenskappe, wat reeds vir byna twee eeue as ’n belangrike maatstaf vir uitnemendheid in die suiwelbedryf dien. Groter as ooit tevore “Dit is deur die bank die hoogste getalle wat ons nog gesien het,” sê Breyton Milford, hoofbestuurder van Agri-Expo, wat die kampioenskappe reeds sedert 1834 aanbied. Volgens hom wys die volgehoue deelname dat produsente steeds groot waarde in die platform sien. “Die bedryf het uitdagings, maar die volgehoue fokus op gehalte op hierdie vlak wys die vertroue wat produsente steeds in Agri-Expo en hierdie platform het,” sê hy. Die beoordeling het Woensdag 25 Maart met melk en roomys afgeskop, gevolg deur kaas en …

Graan SA Kongres 2026: Boere kan nie nóg druk absorbeer nie

Published by Media Statement

Die 2026 Graan SA Kongres het op 11 en 12 Maart by NAMPO Park in Bothaville plaasgevind, waar produsente, landboukundiges, bedryfsrolspelers en beleidmakers saamgesels het oor die toenemende druk op graanboerdery. Die groot boodskap uit die kongres was duidelik: Suid-Afrikaanse graanboere bly veerkragtig en innoverend, maar die gaping tussen produksiekoste en inkomste raak al moeiliker om te oorbrug.