Author: Media Statement

Wynbedryf vier 367 jaar – en sy mense wat die verskil maak

Vroeg in Februarie 2026 het die jaarlikse Wynoesherdenkingsgeleentheid op Groot Constantia weer die kollig laat val op mense wat die Suid-Afrikaanse wynbedryf vorentoe neem. Dit is ook die geleentheid waar die nuwe oes geseën word en die geboorte van ons wynbedryf herdenk word met die ikoniese dagboekinskrywing van 2 Februarie 1659: “Vandag, eer aan God, is wyn vir die eerste keer uit Kaapse druiwe gemaak.”

Saai en AfriForum wys wat moontlik is met mentorskap en infrastruktuur

Die landbou-ontwikkelingsvenootskap tussen Saai, AfriForum en kgosatsana (prinses) Gaongalelwe Moiloa, medestigter van die Bahurutshe Ba Ga Moiloa-stigting, het ’n eerste oes gelewer ná die installering van ’n sonaangedrewe drupbesproeiingstelsel in 2025 op ’n gedeelte van die plaas Jagersfontein in die Mahikeng-omgewing. Altesaam 15 kratte groenrissies, 18 kratte tamaties en 29 kg groenboontjies is aan plaaslike inwoners, informele handelaars en gemeenskapsmarkte in die omgewing verkoop.

Hansie Viljoen: ’n Boerdery wat wys hoe volhoubare diversifikasie lyk

Toe Hansie Viljoen van Viljoen Boerdery as die 2025 Graan SA/Syngenta Graanprodusent van die Jaar aangewys is, was dit nie net ’n persoonlike mylpaal nie. Dit was ’n viering van ’n boerderymodel wat wys hoe gesinne, tegnologie, grondgesondheid en goeie bestuur saam ’n sterk landbou-onderneming vorm. Die gala-geleentheid op 31 Oktober by Birchwood Hotel, onder die tema Legacy in the Land: The Art of Timing, het die perfekte agtergrond geskep om ’n produsent te vereer wat presies dié balans verstaan.

Woodlands Dairy koop Ladismith Cheese: Wat beteken dit vir suiwelboere?

Die Suid-Afrikaanse suiwelbedryf staan op die voor-aand van ’n groot strukturele skuif. Woodlands Dairy Group het aangekondig dat hulle die Ladismith Cheese Company en sy filiale gaan verkry, ’n trans-aksie wat die groep se geografiese voetspoor én sy vermoë om roumelk te verwerk, verbreed. Volgens die amptelike aankondiging sluit die oorname ook Ladismith Powder Company en Mooivallei Suiwel in, wat die groep se produkmandjie aansienlik uitbrei.

Soet herstel vir Suid Afrikaanse rosyne

Na ’n paar moeilike seisoene begin die Suid Afrikaanse rosynbedryf duidelike herstel toon. Die 2024/25 oes behoort sowat 100 000 ton te bereik, ’n belangrike hupstoot vir een van die land se sterkste maar stil uitvoerbedrywe. Die wêreldvraag na gesonde, natuurlike peuselhappies groei steeds en plaaslike rosyne bly gewild vir hul gehalte, grootte en kenmerkende smaak.