In plaas van in vrees lewe dat die kragnetwerk jou in die steek laat waarom nie ‘n plan in plek stel wat jou grotendeels onafhanklik maak nie? SON SA het ‘n inisiatief begin vir die voorsiening van alternatiewe energie in landbou.
Die impak van die voortdurende kragonderbrekings op die landbousektor en breë ekonomie hou ernstige implikasies vir voedselsekerheid en maatskaplike stabiliteit in. Die verlengde tydperk van Vlak 6-beurtkrag bedreig die lewensvatbaarheid van die sektor. ‘n Eskalasie na Vlak 7 en hoër sal katastrofies wees en hou ‘n risiko vir die land se nasionale veiligheid in.
