Gebalanseerde beskerming wat druiwe tot by hul bestemming in topgehalte hou. Suid-Afrika se tafeldruifbedryf is gebou op kundigheid, veerkragtigheid en vrugte van wêreldgehalte. Elke seisoen moet produsente en pakhuise egter een van die uitdagendste na-oesreise ter wêreld hanteer.
Die Suid-Afrikaanse kanolabedryf se sterk groei oor die afgelope dekade skep nuwe geleenthede vir plaaslike verwerking en markontwikkeling. Volhoubare uitbreiding sal egter afhang van toegang tot verbeterde genetika en nuwe tegnologie, verantwoordelike produksiepraktyke en die ontwikkeling van plaaslike én uitvoermarkte. Dit was die kernboodskap uit die “Kanola: ’n Goue Toekoms”-paneelgesprek wat op 10 September tydens NAMPO Kaap plaasgevind het. Corné Louw, Graan SA se hoof van Graanekonomie en Lededienste, het saam met Franco le Roux, Zander Spammer, Andries Theron en Piet Lombard gekyk na die bedryf se groei, toekomstige produksiepotensiaal, verwerking, markontwikkeling, genetika en risiko’s. Kanola het oor die afgelope jare van ’n alternatiewe wisselbougewas tot ’n kernkomponent van veral die Wes-Kaapse produksiestelsel ontwikkel. Suid-Afrikaanse aanplantings het van 34 000 ha in 2010 tot 74 120 ha in 2020, 165 750 ha in 2024 en 174 515 ha in 2025 gegroei. In 2026 staan aanplantings op sowat 192 300 ha, waarvan ongeveer 188 000 ha in die Wes-Kaap is. Die groei weerspieël vooruitgang in genetika, produksietegnologie, meganisasie, navorsing en markontwikkeling, maar ook die waarde van …
Die 2026 Standard Bank Chenin Blanc Top 10 Challenge het vanjaar weer die gehalte, diversiteit en internasionale aansien van Suid-Afrikaanse Chenin Blanc in die kollig geplaas.
Bertus Joubert is aangewys as TLU SA se Jongboer van die Jaar vir 2026. Ná tien jaar in Australië het hy na Suid-Afrika teruggekeer en JSA Farms in die Hartbeesfontein-omgewing opgebou tot ’n gediversifiseerde boerdery met ’n sterk fokus op mense, bestuur en langtermyngroei.
Van kunsmatige intelligensie en sonkrag tot grondgesondheid, geopolitiek en veranderende waterwetgewing. SABI se 2026-kongres het gewys dat die volgende era van besproeiing oor veel meer as die doeltreffende toediening van water gaan.
Ernstige reëntekorte knou die Swartland se koringoes en sommige produsente meen dat ’n beduidende deel van hul oespotensiaal reeds verlore is. Graan SA waarsku dat produsente nie langer alleen die toenemende klimaat- en produksierisiko kan dra nie en vra dat bekostigbare oesversekering ’n nasionale landbouprioriteit word.
Mense eet minder geblikte vrugte. Vars is in. Suiker is uit. En enigiets wat as “verwerk” beskou word, moet toenemend teen die persepsie baklei dat dit minder gesond is. Dit is volgens Kobus Gertenbach, uitvoerende hoof van die Premier groep, een van die groot strukturele probleme wat nou agter Premier se plan staan om sy R1 miljard Fruit Products Western Cape inmaakfabriek op Tulbagh te sluit.
SW van Zyl van Sandveld Aartappels is op 23 Julie as die Syngenta Nasionale Aartappelboer van die Jaar 2026 aangewys. Agter dié titel lê veel meer as ’n goeie oes. Dit is die verhaal van ’n boer wat tegnologie en presisie omarm, die mark verstaan, by ’n uitdagende klimaat aanpas, maar steeds glo dat niks die boer se eie voetspore in die land kan vervang nie.
Tiger Brands het sy fabriek in Paarl, wat reeds in 1903 gevestig is, in ’n moderne kulinêre megaterrein omskep. Die belegging bring die vervaardiging van Mrs Ball’s Chutney terug na die Wes-Kaap, verminder die onderneming se afhanklikheid van eksterne vervaardigers en verskaffers, en skep ’n groter mark vir plaaslik verboude vrugte en groente.
Die gekabbel van lopende en vallende water kan een van die heilsaamste elemente van ’n tuin wees. ’n Water-fontein of visdammetjie verfraai nie net ’n tuin nie, maar skep ook ’n ruimte van kalmte. Waterlekke kan egter ’n sierlike tuinelement vinnig in ’n groot kopseer verander. Behoorlike voorbereiding, die regte produkte en voldoende droogtyd is daarom noodsaaklik vir ’n blywende resultaat.
