Peiling wys 34% van boere oorweeg afleggings
As jy ’n minimumloon verhoog in ’n ekonomie wat nie groei nie, koop jy nie noodwendig waardigheid nie. Jy koop dikwels minder werk.
Year: 2026
Lewende kompos: Die biologiese alternatief vir kunsmis
Diversifikasie is vir Dolfie Walters van die plaas Rustfontein buite Malmesbury die sleutel tot volhoubare boerdery. Wat begin het as ’n tradisionele graanonderneming, het oor die jare uitgebrei na ’n gevestigde komposaanleg, terwyl die familie ook met beeste, wingerd en ander ondernemings saamwerk.
Van kudde tot kroon: Wie is Suid-Afrika se top suiwelboere?
Die 2024 ARC Nasionale Meester-suiwelboer Toekennings het weereens die uitblinkers in Suid-Afrika se suiwelbedryf vereer. Hierdie toekennings, aangebied deur die Landbounavorsingsraad (LNR), beklemtoon prestasie en uitnemendheid in vyf sleutelareas: kuddebestuur, somatiese seltelling, sowel as kleinskaal-, mediumskaal- en grootskaalsuiwel-boerdery.
Joubertina Kwekery | Pauw-familie
Nog ’n familiebesigheid wat die Langkloof bekend gemaak het en landwyd aansien verwerf het, is die Joubertina Kwekery van Bremer en Elaine Pauw. Die kwekery het in die 1960’s ontstaan uit die behoefte aan appelbome vir die groeiende appel- en peerbedryf. Vandag is Bremer en Elaine gelukkig om ook die dienste van hul dogter Karien, haar man Willy, en Deon Lötter, ’n deurwinterde landboukundige en kweker,
te hê om die vrugteboom-kwekery teen die hange van die Langkloofberge te bestuur.
Hansie Viljoen: ’n Boerdery wat wys hoe volhoubare diversifikasie lyk
Toe Hansie Viljoen van Viljoen Boerdery as die 2025 Graan SA/Syngenta Graanprodusent van die Jaar aangewys is, was dit nie net ’n persoonlike mylpaal nie. Dit was ’n viering van ’n boerderymodel wat wys hoe gesinne, tegnologie, grondgesondheid en goeie bestuur saam ’n sterk landbou-onderneming vorm. Die gala-geleentheid op 31 Oktober by Birchwood Hotel, onder die tema Legacy in the Land: The Art of Timing, het die perfekte agtergrond geskep om ’n produsent te vereer wat presies dié balans verstaan.
La Niña op pad: wat boere in 2025/26 moet weet
Klimaatkundiges waarsku dat Suid-Afrika die komende 2025/26-seisoen waarskynlik volledig onder die invloed van ’n nuwe La Niña-fase gaan wees. Vir boere in die somerreënvalstreke beteken dit ’n hoër kans op koeler, natter toestande — met groot opbrengspotensiaal, maar ook beduidende risiko’s.
Boerdery met ’n plan: Hoe Islandview elke hektaar laat werk
In die Umzimkulu-vallei, waar gemengde produksie die norm is en klimaatstoestande die boerdery sterk beïnvloed, ontmoet ons Paul Button van Islandview Plaas. Hier word sitrus, bees, mielies en aartappels as ’n geïntegreerde stelsel bestuur — met produksie wat doelbewus geskeduleer word om arbeidskapasiteit, grondgeson-dheid en opbrengs te optimaliseer.
Groente, Gemeenskap en Guts: Die Rix’e van Philippi
Philippi, wat aan die suidoostelike kant van Kaapstad geleë is en deel vorm van die Kaapse Vlakte, is al vir eeue bekend vir families wat vir geslagte lank in die omgewing boer. Die area is ook bekend vir die groente wat hier verbou word en wat na raming tot 50% van Kaapstad se vars groente voorsien.
2025 se Nasionale Meestersuiwelboere melk dat die skuim spat
Vanjaar se wenners van die Landbou-navorsingsraad (LNR) se 2025 Nasionale Meestersuiwelboer-toekennings hoef geen tree terug te staan vir vorige jare se wenners nie. Hulle is elkeen uitstaande in die afdeling waarin hulle met ander melkboere meegeding het. Hierdie kompetisie van die LNR is jaarliks ‘n hoogtepunt op Suid-Afrika se landbou-kalender waar erkenning gegee word aan uitstaande prestasie deur die land se top-suiwelboere. Die kriteria van die kompetisie fokus veral op die teel van geneties uitstaande diere, met behulp van prestasie-opname en prestasie-toetsing as instrumente.
Francois Rossouw bekroon as 2025 se Toyota SA/AgriSA Jongboer van die Jaar!
Francois Rossouw van Mooigezicht Estates in die Hexriviervallei is pas aangewys as 2025 se Toyota SA/AgriSA Jongboer van die Jaar. Francois boer saam met sy familie op Mooigezicht Estates in die Hexriviervallei op sowat 400 ha produksiegrond, waar hulle spesialiseer in ’n verskeidenheid tafeldruifkultivars. As jong boer wat verantwoordelik is vir alle fasette van die helfte van hul onderneming se produksiepraktyke, rus daar ’n reuse-verantwoordelikheid op sy skouers.