Van kunsmatige intelligensie en sonkrag tot grondgesondheid, geopolitiek en veranderende waterwetgewing. SABI se 2026-kongres het gewys dat die volgende era van besproeiing oor veel meer as die doeltreffende toediening van water gaan.
Die tweede Suid-Afrikaanse Preserveerkampioenskappe, aangebied deur Agri-Expo, het Woensdag 29 Julie by Eensgezind buite Durbanville nuwe hoogtes bereik toe 85 vervaardigers ‘n rekordgetal van 700 gepreserveerde vrugte- en groenteprodukte vir beoordeling ingeskryf het. Vanjaar is die inskrywings deur ‘n paneel van 61 beoordelaars in meer as 100 klasse beoordeel, van konfyte, marmelades, blatjang en piekels tot pesto’s, olywe en ander vernuwende skeppings.
NAMPO Kaap 2026 vind van 9 tot 12 September 2026 by Bredasdorp Park in Bredasdorp plaas en bring produsente, landboubesighede, navorsers, diensverskaffers en gemeenskappe van regoor die landbouwaardeketting bymekaar.
Oud en jonk het op 3 en 4 Julie by die Dwarsvlei-plaas naby Middelburg in die Oos-Kaap saamgetrek vir die vyfde Karoo Winter Wolfees. Die jaarlikse fees vier en ondersteun Suid-Afrika se natuurlike veselbedryf deur middel van landbou-uitstallings, kundige gesprekke, kunsvlytwerksessies, plaaslike kos, mode en musiek. Cape Wools South Africa was vanjaar die hoofborg en vennoot.
Volhoubare landbouskoue speel ’n veeldoelige rol – om landbou te bevorder, plaaslike ekonomiese ontwikkeling en toerisme te stimuleer, maar ook om die sosiale weefsel van die platteland te laat voortleef.
Agri Wes-Kaap kondig met trots die kandidate aan vir die 2026 Agri Wes-Kaap | Santam Jongboer van die Jaar kompetisie – ʼn groep uitstaande jong produsente wat die toekoms van landbou in die Wes-Kaap verteenwoordig.
Ná die sukses van 2025 nooi Agri-Expo plaaslike vervaardigers om hul beste gepreserveerde produkte op ’n nasionale verhoog ten toon te stel deur in te skryf vir die tweede jaarlikse Suid-Afrikaanse Preserveerkampioenskappe.
Inskrywings het geopen vir die 2026 Suid-Afrikaanse Suiwelkampioenskappe, en Agri-Expo nooi suiwelvervaardigers regoor die land om in te skryf vir die 193ste aanbieding van Afrika se oudste en grootste suiwelkompetisie.
Die 2024 ARC Nasionale Meester-suiwelboer Toekennings het weereens die uitblinkers in Suid-Afrika se suiwelbedryf vereer. Hierdie toekennings, aangebied deur die Landbounavorsingsraad (LNR), beklemtoon prestasie en uitnemendheid in vyf sleutelareas: kuddebestuur, somatiese seltelling, sowel as kleinskaal-, mediumskaal- en grootskaalsuiwel-boerdery.
Francois Rossouw van Mooigezicht Estates in die Hexriviervallei is pas aangewys as 2025 se Toyota SA/AgriSA Jongboer van die Jaar. Francois boer saam met sy familie op Mooigezicht Estates in die Hexriviervallei op sowat 400 ha produksiegrond, waar hulle spesialiseer in ’n verskeidenheid tafeldruifkultivars. As jong boer wat verantwoordelik is vir alle fasette van die helfte van hul onderneming se produksiepraktyke, rus daar ’n reuse-verantwoordelikheid op sy skouers.
