Na 32 jaar op die plaas sê Wolf Avni – ʼn professionele fotograaf van beroep – dat hy nooit weer by die stadslewe sal kan aanpas nie. Hy het Johannesburg in 1987 verlaat om die forelplaas te begin in die Giants Cup Wilderness Reserve, een van die land se beste bestemmings vir wildeforelkunsvlieghengel.
Die amper oorweldigende leiklipagtige mineraliteit is die eerste ding wat my opval, maar dit neem my twee slukke om te besef dat ek miskien nie gou weer so ’n Syrah gaan drink nie. Die wyn is taamlik lig en ingetoë, maar tannies en dig van elegante lae rooi- en swartbessiegeure, fynbosagtige speserygeure, swart olywe en donker blomme. Selfs die peper wat meeste van ons land se Shiraz-wyne so verniel, is gesofistikeerd en genadiglik in balans met die geur-kompleksiteit van hierdie hoogs indrukwekkende wyn.
Daar is min dinge so mooi as ’n manjifieke merrie en haar vulletjie in ’n groen weiveld omring deur ou akkerbome, langs ’n laning Amerikaanse populiere wat jou lei tot by ’n historiese plaashuis. Varsfontein-plaas is, net soos die volbloedperde wat hier woon, in uitstekende kondisie.
Soms is die antwoord om volhoubaar te boer nie ’n kollektiewe of selfs ’n skaalbenadering nie, maar die ontginning van nismarkte. Een só ’n boerdery is Kuifkop Beleggings.
Op Rietvlei leer jy een unieke diersoort ná die ander beter ken, want Christo Botha is nie meer lus om met die gewone goed te boer nie. Alles op Rietvlei is raar. Christo meen dit is ook omdat hy vinnig verveeld raak en van ‘n uitdaging hou. Hy het begin deur te kyk na die aanvraag sowel as die bestaande kompetisie in die omgewing.
’n Granaat het soveel stories as wat hy pitte het. Dit dra die simboliek van eksotiese, antieke beskawings en die versluierde suggestie dat hiérdie die oorspronklike verbode vrug was. Sensueel beslis, maar ook met ’n dikvellige onwilligheid om te vrek. Dink nou maar aan die verlate Karoo-opstalle met een ou granaatboom wat verbete aanhou blom. Maar om boorde vol granaatbome deur een van die ergste droogtes ooit te kry, is ’n heel ander storie.
Gerrit Schenck is die plaasbestuurder van Bonne Esperance plaas wat deel is van die Cape Garden Centre-groep. Hy bestuur Cape Trees op Bonne Esperance, ‘n groot boom-kwekery met ongeveer 11 500 bome, waarvan die oudste nege jaar oud is. Gerrit verduidelik dat die droogte hul voorraadvlakke ‘n knou gegee het, en dat voorraad van verskeie boomsoorte gevolglik tans laag is, maar teen hoogsomer weer op standaard sal wees.
ʼn Boerdery op Vredendal se soeke na nuwe geleenthede en wye belangstellingsveld het gelei tot die begin van ‘n stokery wat met sonkrag bedryf word en die aanplanting van ‘n bamboesproefboord.
Suid-Afrika se bloubessie-produksie blom behoorlik die afgelope paar jaar. Sommige boere plant in potte of sakke, ander direk in die grond, in tonnels, onder skadunet of in oop lande. Dit is ’n veeleisende plant wat noukeurigheid vereis, maar die winsgrens daarvan maak dit ’n soete versoeking. Grond tot Mond besoek drie boere in verskillende streke wat besluit het om die sappige, swart supervrug ’n kans te gee.
’n Kaas met ’n baie ongewone naam het vroeër van-jaar weggestap as Suid-Afrika se Suiwelproduk van die Jaar 2019. St Francis of Ashisi, gemaak van gelyke hoeveelhede bok- en beesmelk wat in as toegedraai word, is vervaardig deur Belnori Boutique Cheesery van Bapsfontein, Gauteng.
