Die debat oor die beste manier om lam te produseer – hetsy in ’n voerkraal of op natuurlike weiding – is lank reeds aan die gang. Stellenbosch Universiteit het onlangs ’n deeglike studie gedoen om die verskille tussen hierdie twee produksiestelsels te ontleed, met spesifieke fokus op die smaak, tekstuur en voedingswaarde van Dorper-lam.
Die mees onlangse insidentvergelykings vergadering het weereens bewys dat die werklike omvang van misdaad op plase en in landelike gebiede ernstig onderskat word veral omdat baie voorvalle nie by die Suid-Afrikaanse Polisiediens (SAPD) aangemeld word nie.
Twee toegewyde jong boere is onlangs bekroon vir hul betrokkenheid en leierskap in Suid-Afrikaanse landbou. Die kompetisies, aangebied deur onderskeidelik AgriCulture Mpumalanga en Agri Wes-Kaap, dien as belangrike platforms om toekomstige landbouleiers te identifiseer en aan te moedig. Deur debat en netwerkgeleenthede binne georganiseerde landbou te bevorder, speel dit ’n sleutelrol in die deel van kennis.
Met onafhanklike ABC-verifikasie weet jy jou storie of advertensie bereik werklik die boer. Die gedrukte tydskrif word landwyd by meer as 130 landbouwinkels versprei – direk in die hande van produsente. Wat adverteerders en lesers sê: “Ons kliënte geniet die tydskrif baie en vra gereeld dat ons ’n kopie vir hulle eenkant hou.”Rinka, NWK Retail “Ons het definitief meer navrae en baie oproepe oor ons kompos gekry.”Marietjie Kruger, Chanmar sampioene en kunsmis “Thank you for the story. I got a lot of traction with the article.”Andile Matukane, Farmers Choice “Klante vra dadelik vir die tydskrif as hulle dit nie sien nie, en hulle geniet dit veral wanneer boere uit hulle omgewing in die uitgawe verskyn.”Overberg Agri, Uitenhage Grond tot Mond is ’n volledige kommunikasie-landbouplatform: Reklametariefe en Inhoudstariewe: Tydskrif (gedruk): Tydskrif (digitaal): Sosiale media: Jou storie pakkette (Native 360): Kompakte 360-pakket: Volblad-advertensie + 450-woord artikel + 300 × 300 px nuusbrief- of webwerfbanier + sosiale pos wat 20 000 mense bereik – R17 000 Kontak ons vandag om meer uit te vind: adverteer@grondtotmond.co.za
Charisma, ’n ekstra suiwer olyfolie uit Calitzdorp in die Klein-Karoo, is pas aangewys as een van die 2024 Absa Top 10 Olyfolies. Dis die Charisma 2 Delicate wat die eer gekry het – ’n produk van Ouma Se Huis Boutique Olive Estate, ’n plaas met diep familiegewortelde geskiedenis en ’n passie vir gehalte.
’n Romerige mascarpone met vye en pekanneute, gemaak deur RFG Foods in Simondium vir Woolworths, is op Dinsdag 8 April 2025 as Suid-Afrika se Suiwelproduk van die Jaar aangewys tydens die gesogte Suid-Afrikaanse Suiweltoekennings.
Belanghebbendes in die vrugte-uitvoerbedryf, die Wes-Kaapse Regering en Transnet Hawe Terminals werk nou saam om die Kaapstad Houerterminal (CTCT) se werkverrigting te verbeter.
Saai het ’n opwindende vennootskap met Landworks en die Ierse werwingsmaatskappy Crewit aangegaan om 100 gespesialiseerde werkgeleenthede in Ierland vir landbou- studente te skep. Hierdie geleenthede dek sleutelareas soos agri-meganika, vragmotor- en buswerktuigkunde, paneelklopwerk, en vragmotorbestuur. Hierdie program bied meer as net werk – dit gee jong aspirantboere die kans om praktiese ervaring op te doen met gevorderde tegnologie en masjinerie terwyl hulle verdien en spaar vir hul eie boerderyprojekte terug in Suid-Afrika. WAAROM IS HIERDIE ’N GROOT GELEENTHEID? Vir baie jong boere is toegang tot kapitaal een van die groot- ste struikelblokke. Hierdie inisiatief bied ’n pad na finansiële onafhanklikheid, terwyl studente hul vaardighede slyp in ’n inter- nasionale omgewing. Francois Rossouw, uitvoerende hoof van Saai, verduidelik: “Boerdery is meer as net ’n werk – dit is ’n roeping. Hierdie program gee ons studente nie net ervaring nie, maar ook die finansiële steun wat hulle nodig het om hul drome te verwesenlik.” PRAKTIESE ERVARING EN GROEI Die rolle beskikbaar op die Landworks-platform sluit in werk met gevorderde trekkertegnologie, herstelwerk aan swaar voertuie en paneelklopwerk. …
’n Kreatiewe en oopdenkende benadering is die sleutel tot suksesvolle boerdery in Suid-Afrika, sê Rustin Shawe, die 2024 Voermol Nasionale Beesboer van die Jaar. Shawe, wat in Wakkerstroom boer, het hierdie gesogte titel op 13 November 2024 by die Voermol Bees- en Skaaptoekennings ontvang. Met ’n passie vir KZN se landbousektor deel hy waardevolle insigte, uitdagings en wenke vir opkomende beesboere. Shawe se prestasies is nie net geskoei op sy kundigheid as boer nie, maar ook op sy aktiewe rol in die breër landbou- en landelike sektore. Hy is ’n jarelange lid en huidige direksielid van Kwanalu, die KwaZulu-Natalse Landbou-unie, waar hy sleutelkwessies in die sektor aanspreek. Shawe is ook die wenner van die gesogte KZN Kwanalu Jongboer van die Jaar-toekenning in 2018. Met meer as twee dekades se ervaring bestuur Shawe twee troppe by sy onderneming, Grassfields Beef: ’n kommersiële trop en Droughtmaster stoettrop. Deur toewyding en innoverende benaderings het hy homself as ’n leier in die beesbedryf gevestig. Shawe beklemtoon die finansiële druk wat boere daagliks ervaar en moedig mede-boere aan om kreatief …
Die WWF (World Wide Fund for Nature) lei ’n inter- nasionale poging om ’n bindende plastiekverdrag te onderhandel wat plastiekbesoedeling wêreldwyd kan bekamp. Hierdie verdrag is van kritieke belang, aangesien plastiekbesoedeling nie net die omgewing bedreig nie, maar ook direkte gevolge het vir Suid- Afrika se landbou en voedselproduksie. Die vraag is: Hoe kan ons boere aanpas en deel word van die oplossing? ’N ONSIGBARE KRISIS OP ONS PLASE Plastiek word wyd in die landbou gebruik, van verpakking tot drupbesproeiingstelsels, maar wat gebeur met die plastiek wanneer dit nie meer bruikbaar is nie? Verweerde plastiek kan gronde besoedel, mikroplastiek in die voedselketting invoer, en uiteindelik die gesondheid van mense en diere benadeel. Die hoeveelheid plastiek wat elke jaar in die oseane beland, word grootliks aangevuur deur plastiekverpakking wat in sektore soos landbou gebruik word. In Suid-Afrika speel verpakkingsmateriaal vir kunsmis, plaagdoders en saad ’n rol in hierdie probleem, aangesien onvanpaste wegdoening dikwels lei tot plastiekbesoedeling wat waterweë en oseane bereik. Hierdie praktyke het ernstige gevolge vir mariene ekosisteme en menslike gesondheid. DIE VOORGESTELDE PLASTIEKVERDRAG STEL …
