Lindy Aronowitz beskryf haarself as ‘n kunstenaar en organiese tuinier, maar haar talente strek veel wyer, juis omdat alles wat sy aanpak getuig van kreatiwiteit en liefde vir die natuurlike.
“Ek het ‘n regte dud gekoop,” sê Martin Etherington van die plaas wat hy in 2018 in Simondium aangeskaf het. Mon Rêve is Frans vir “my droom”, maar Martin se planne om op ‘n boetiekwynplaas af te tree, het aanvanklik in ‘n nagmerrie ontaard. Maar kort voor lank het hierdie bekwame vlieënier, boer en besigheidsman ‘n nuwe droom vir sy grond gehad.
Na 32 jaar op die plaas sê Wolf Avni – ʼn professionele fotograaf van beroep – dat hy nooit weer by die stadslewe sal kan aanpas nie. Hy het Johannesburg in 1987 verlaat om die forelplaas te begin in die Giants Cup Wilderness Reserve, een van die land se beste bestemmings vir wildeforelkunsvlieghengel.
Volgens Dawie is dit nie moontlik om hul koring heeltemal organies te boer nie, maar die verwerkingsproses by die meul is wel organies. Nadat die Koringraad in 1996 afgeskaf is, het Dawie senior die meul in 1998 gestig om ‘n mark vir hul koring te skep. “Ek moes ‘n mark vir ons koring gaan soek en het uit my onnoselheid die meul begin
“Ek is al my hele lewe hier,” sê Jan-Hendrik Basson wat op die familieplaas Dasbosch grootgeword het. Dit behoort nou aan sy oom, die bekende sakeman Whitey Basson. Jan-Hendrik het die stuk grond van 80 ha, wat vandag Wêreldsgeluk is, in 2003 aan Advokaat Willie Duminy verkoop. Hy besit steeds die buurplaas, Windvlakte, waar sy vrou, Merna, help om die 444 ha met beeste, skape, weiding en haar 45 Arabierperde te bestuur. Jan-Hendrik en Merna het in Stellenbosch ontmoet waar sy ‘n BSc Landbou behaal het, en hy by Elsenburg ‘n diploma in landbou.
Daar is min dinge so mooi as ’n manjifieke merrie en haar vulletjie in ’n groen weiveld omring deur ou akkerbome, langs ’n laning Amerikaanse populiere wat jou lei tot by ’n historiese plaashuis. Varsfontein-plaas is, net soos die volbloedperde wat hier woon, in uitstekende kondisie.
Op Rietvlei leer jy een unieke diersoort ná die ander beter ken, want Christo Botha is nie meer lus om met die gewone goed te boer nie. Alles op Rietvlei is raar. Christo meen dit is ook omdat hy vinnig verveeld raak en van ‘n uitdaging hou. Hy het begin deur te kyk na die aanvraag sowel as die bestaande kompetisie in die omgewing.
Fritz deel met ons sy resep vir Esegiël-brood, die enigste broodresep wat in die Bybel voorkom. Esegiël 4:9-10
’n Granaat het soveel stories as wat hy pitte het. Dit dra die simboliek van eksotiese, antieke beskawings en die versluierde suggestie dat hiérdie die oorspronklike verbode vrug was. Sensueel beslis, maar ook met ’n dikvellige onwilligheid om te vrek. Dink nou maar aan die verlate Karoo-opstalle met een ou granaatboom wat verbete aanhou blom. Maar om boorde vol granaatbome deur een van die ergste droogtes ooit te kry, is ’n heel ander storie.
Gerrit Schenck is die plaasbestuurder van Bonne Esperance plaas wat deel is van die Cape Garden Centre-groep. Hy bestuur Cape Trees op Bonne Esperance, ‘n groot boom-kwekery met ongeveer 11 500 bome, waarvan die oudste nege jaar oud is. Gerrit verduidelik dat die droogte hul voorraadvlakke ‘n knou gegee het, en dat voorraad van verskeie boomsoorte gevolglik tans laag is, maar teen hoogsomer weer op standaard sal wees.
